עמוד הבית
|
איך בוחרים פסוק?
|
אודות
|
מדיה
|
פסוק מתנה
|
ציורי התנ"ך
בראשית
שמות
ויקרא
במדבר
דברים
יהושוע
שופטים
שמואל א
שמואל ב
מלכים א
מלכים ב
ישעיהו
ירמיהו
יחזקאל
הושע
יואל
עמוס
עובדיה
יונה
מיכה
נחום
חבקוק
צפניה
חגיי
זכריה
מלאכי
דברי הימים א
דברי הימים ב
תהילים
איוב
משלי
רות
שיר השירים
קוהלת
איכה
אסתר
דניאל
עזרא
נחמיה
יואל
פרק א
א
דבר-יהוה אשר היה, אל-יואל בן-פתואל.
ב
שמעו-זאת, הזקנים, והאזינו, כול יושבי הארץ; ההייתה זאת בימיכם, ואם בימי אבותיכם.
ג
עליה, לבניכם ספרו; ובניכם, לבניהם, ובניהם, לדור אחר.
ד
יתר הגזם אכל הארבה, ויתר הארבה אכל הילק; ויתר הילק, אכל החסיל.
ה
הקיצו שיכורים ובכו, והילילו כל-שותי יין; על-עסיס, כי נכרת מפיכם.
הפסוק פנוי ... לחצו לבחירה
ו
כי-גוי עלה על-ארצי, עצום ואין מספר; שיניו שיני אריה, ומתלעות לביא לו.
ז
שם גפני לשמה, ותאנתי לקצפה; חשוף חשפה והשליך, הלבינו שריגיה.
ח
אלי, כבתולה חגורת-שק על-בעל נעוריה.
ט
הוכרת מנחה ונסך, מבית יהוה; אבלו, הכוהנים, משרתי, יהוה.
י
שודד שדה, אבלה אדמה: כי שודד דגן, הוביש תירוש אומלל יצהר.
יא
הובישו איכרים, הילילו כורמים, על-חיטה, ועל-שעורה: כי אבד, קציר שדה.
יב
הגפן הובישה, והתאנה אומללה; רימון גם-תמר ותפוח, כל-עצי השדה יבשו--כי-הוביש ששון, מן-בני אדם.
יג
חגרו וספדו הכוהנים, הילילו משרתי מזבח--בואו לינו בשקים, משרתי אלוהיי: כי נמנע מבית אלוהיכם, מנחה ונסך.
יד
קדשו-צום, קראו עצרה--אספו זקנים כול יושבי הארץ, בית יהוה אלוהיכם; וזעקו, אל-יהוה.
הפסוק פנוי ... לחצו לבחירה
טו
אהה, ליום: כי קרוב יום יהוה, וכשוד משדיי יבוא.
הפסוק פנוי ... לחצו לבחירה
טז
הלוא נגד עינינו, אוכל נכרת; מבית אלוהינו, שמחה וגיל.
הפסוק פנוי ... לחצו לבחירה
יז
עבשו פרודות, תחת מגרפותיהם--נשמו אוצרות, נהרסו ממגורות: כי הוביש, דגן.
הפסוק פנוי ... לחצו לבחירה
יח
מה-נאנחה בהמה, נבוכו עדרי בקר--כי אין מרעה, להם; גם-עדרי הצאן, נאשמו.
הפסוק פנוי ... לחצו לבחירה
יט
אליך יהוה, אקרא: כי אש, אכלה נאות מדבר, ולהבה, ליהטה כל-עצי השדה.
כ
גם-בהמות שדה, תערוג אליך: כי יבשו, אפיקי מים, ואש, אכלה נאות המדבר.
פרק ב
א
תקעו שופר בציון, והריעו בהר קודשי--ירגזו, כול יושבי הארץ: כי-בא יום-יהוה, כי קרוב.
ב
יום חושך ואפילה, יום ענן וערפל, כשחר, פרוש על-ההרים; עם, רב ועצום--כמוהו לא נהיה מן-העולם, ואחריו לא יוסף עד-שני דור ודור.
הפסוק פנוי ... לחצו לבחירה
ג
לפניו אכלה אש, ואחריו תלהט להבה; כגן-עדן הארץ לפניו, ואחריו מדבר שממה, וגם-פליטה, לא-הייתה לו.
הפסוק פנוי ... לחצו לבחירה
ד
כמראה סוסים, מראהו; וכפרשים, כן ירוצון.
הפסוק פנוי ... לחצו לבחירה
ה
כקול מרכבות, על-ראשי ההרים ירקדון--כקול להב אש, אוכלה קש; כעם עצום, ערוך מלחמה.
הפסוק פנוי ... לחצו לבחירה
ו
מפניו, יחילו עמים; כל-פנים, קיבצו פארור.
ז
כגיבורים ירוצון, כאנשי מלחמה יעלו חומה; ואיש בדרכיו ילכון, ולא יעבטון אורחותם.
הפסוק פנוי ... לחצו לבחירה
ח
ואיש אחיו לא ידחקון, גבר במסילתו ילכון; ובעד השלח ייפולו, לא יבצעו.
הפסוק פנוי ... לחצו לבחירה
ט
בעיר ישוקו, בחומה ירוצון--בבתים, יעלו; בעד החלונים יבואו, כגנב.
הפסוק פנוי ... לחצו לבחירה
י
לפניו רגזה ארץ, רעשו שמיים; שמש וירח קדרו, וכוכבים אספו נוגהם.
הפסוק פנוי ... לחצו לבחירה
יא
ויהוה, נתן קולו לפני חילו--כי רב מאוד מחנהו, כי עצום עושה דברו: כי-גדול יום-יהוה ונורא מאוד, ומי יכילנו.
הפסוק פנוי ... לחצו לבחירה
יב
וגם-עתה, נאום-יהוה, שובו עדיי, בכל-לבבכם; ובצום ובבכי, ובמספד.
יג
וקרעו לבבכם ואל-בגדיכם, ושובו אל-יהוה אלוהיכם: כי-חנון ורחום, הוא--ארך אפיים ורב-חסד, וניחם על-הרעה.
הפסוק פנוי ... לחצו לבחירה
יד
מי יודע, ישוב וניחם; והשאיר אחריו, ברכה--מנחה ונסך, ליהוה אלוהיכם.
הפסוק פנוי ... לחצו לבחירה
טו
תקעו שופר, בציון; קדשו-צום, קראו עצרה.
הפסוק פנוי ... לחצו לבחירה
טז
אספו-עם קדשו קהל, קבצו זקנים--אספו עוללים, ויונקי שדיים: ייצא חתן מחדרו, וכלה מחופתה.
יז
בין האולם, ולמזבח, יבכו הכוהנים, משרתי יהוה; ויאמרו חוסה יהוה על-עמך, ואל-תיתן נחלתך לחרפה למשול-בם גויים--למה יאמרו בעמים, איה אלוהיהם.
הפסוק פנוי ... לחצו לבחירה
יח
ויקנא יהוה, לארצו; ויחמול, על-עמו.
הפסוק פנוי ... לחצו לבחירה
יט
ויען יהוה ויאמר לעמו, הנני שולח לכם את-הדגן והתירוש והיצהר, ושבעתם, אותו; ולא-אתן אתכם עוד חרפה, בגויים.
כ
ואת-הצפוני ארחיק מעליכם, והדחתיו אל-ארץ צייה ושממה--את-פניו אל-הים הקדמוני, וסופו אל-הים האחרון; ועלה בואשו, ותעל צחנתו--כי הגדיל, לעשות.
כא
אל-תיראי, אדמה; גילי ושמחי, כי-הגדיל יהוה לעשות.
הפסוק פנוי ... לחצו לבחירה
כב
אל-תיראו בהמות שדיי, כי דשאו נאות מדבר: כי-עץ נשא פרייו, תאנה וגפן נתנו חילם.
הפסוק פנוי ... לחצו לבחירה
כג
ובני ציון, גילו ושמחו ביהוה אלוהיכם, כי-נתן לכם את-המורה, לצדקה; ויורד לכם, גשם מורה ומלקוש--בראשון.
הפסוק פנוי ... לחצו לבחירה
כד
ומלאו הגורנות, בר; והשיקו היקבים, תירוש ויצהר.
הפסוק פנוי ... לחצו לבחירה
כה
ושילמתי לכם, את-השנים, אשר אכל הארבה, הילק והחסיל והגזם: חילי, הגדול, אשר שילחתי, בכם.
הפסוק פנוי ... לחצו לבחירה
כו
ואכלתם אכול, ושבוע, והיללתם את-שם יהוה אלוהיכם, אשר-עשה עימכם להפליא; ולא-יבושו עמי, לעולם.
הפסוק פנוי ... לחצו לבחירה
כז
וידעתם, כי בקרב ישראל אני, ואני יהוה אלוהיכם, ואין עוד; ולא-יבושו עמי, לעולם.
פרק ג
א
והיה אחרי-כן, אשפוך את-רוחי על-כל-בשר, וניבאו, בניכם ובנותיכם; זקניכם, חלומות יחלומון--בחוריכם, חזיונות יראו.
הפסוק פנוי ... לחצו לבחירה
ב
וגם על-העבדים, ועל-השפחות, בימים ההמה, אשפוך את-רוחי.
ג
ונתתי, מופתים, בשמיים, ובארץ: דם ואש, ותימרות עשן.
הפסוק פנוי ... לחצו לבחירה
ד
השמש ייהפך לחושך, והירח לדם--לפני, בוא יום יהוה, הגדול, והנורא.
ה
והיה, כול אשר-יקרא בשם יהוה--יימלט: כי בהר-ציון ובירושלים תהיה פליטה, כאשר אמר יהוה, ובשרידים, אשר יהוה קורא.
פרק ד
הפסוק פנוי ... לחצו לבחירה
א
כי, הנה בימים ההמה--ובעת ההיא: אשר אשיב את-שבות יהודה, וירושלים.
ב
וקיבצתי, את-כל-הגויים, והורדתים, אל-עמק יהושפט; ונשפטתי עימם שם, על-עמי ונחלתי ישראל אשר פיזרו בגויים, ואת-ארצי, חילקו.
הפסוק פנוי ... לחצו לבחירה
ג
ואל-עמי, ידו גורל; וייתנו הילד בזונה, והילדה מכרו ביין וישתו.
ד
וגם מה-אתם לי, צור וצידון, וכול, גלילות פלשת; הגמול, אתם משלמים עליי, ואם-גומלים אתם עליי, קל מהרה אשיב גמולכם בראשכם.
הפסוק פנוי ... לחצו לבחירה
ה
אשר-כספי וזהבי, לקחתם; ומחמדיי, הטובים, הבאתם, להיכליכם.
הפסוק פנוי ... לחצו לבחירה
ו
ובני יהודה ובני ירושלים, מכרתם לבני היוונים, למען הרחיקם, מעל גבולם.
הפסוק פנוי ... לחצו לבחירה
ז
הנני מעירם--מן-המקום, אשר-מכרתם אותם שמה; והשיבותי גמולכם, בראשכם.
הפסוק פנוי ... לחצו לבחירה
ח
ומכרתי את-בניכם ואת-בנותיכם, ביד בני יהודה, ומכרום לשביים, אל-גוי רחוק: כי יהוה, דיבר.
הפסוק פנוי ... לחצו לבחירה
ט
קראו-זאת, בגויים, קדשו, מלחמה; העירו, הגיבורים--ייגשו יעלו, כול אנשי המלחמה.
י
כותו איתיכם לחרבות, ומזמרותיכם לרמחים; החלש, יאמר גיבור אני.
הפסוק פנוי ... לחצו לבחירה
יא
עושו ובואו כל-הגויים מסביב, ונקבצו; שמה, הנחת יהוה גיבוריך.
הפסוק פנוי ... לחצו לבחירה
יב
ייעורו ויעלו הגויים, אל-עמק יהושפט: כי שם, אשב לשפוט את-כל-הגויים--מסביב.
הפסוק פנוי ... לחצו לבחירה
יג
שלחו מגל, כי בשל קציר; בואו רדו, כי-מלאה גת--השיקו היקבים, כי רבה רעתם.
הפסוק פנוי ... לחצו לבחירה
יד
המונים המונים, בעמק החרוץ: כי קרוב יום יהוה, בעמק החרוץ.
טו
שמש וירח, קדרו; וכוכבים, אספו נוגהם.
טז
ויהוה מציון ישאג, ומירושלים ייתן קולו, ורעשו, שמיים וארץ; ויהוה מחסה לעמו, ומעוז לבני ישראל.
יז
וידעתם, כי אני יהוה אלוהיכם, שוכן, בציון הר-קודשי; והייתה ירושלים קודש, וזרים לא-יעברו-בה עוד.
יח
והיה ביום ההוא ייטפו ההרים עסיס, והגבעות תלכנה חלב, וכל-אפיקי יהודה, ילכו מים; ומעיין, מבית יהוה ייצא, והשקה, את-נחל השיטים.
יט
מצריים, לשממה תהיה, ואדום, למדבר שממה תהיה; מחמס בני יהודה, אשר-שפכו דם-נקיא בארצם.
כ
ויהודה, לעולם תשב; וירושלים, לדור ודור.
כא
וניקיתי, דמם לא-ניקיתי; ויהוה, שוכן בציון.